Das Gasthaus in Avrona

Nos albierg

Immez i’l god müravglius dal cumün da Tarasp, illa fracziun Avrona, es üna pitschna suosta – precis sco chi tocca. Set maisas illa stüva, set stanzas illa pensiun. Nossa chasa engiadinaisa nun es gronda, e quai es bun uschè. Far straverer e straglüschir nu cugnuschaina. Simpel e prüvà. Il bischou cun si‘istorgia ha seis caracter e seis scharm. La stüva es ün diamant cha nus laschain brillar e glüschir uschè sco ch’el es. La pussada d’argient bricla illa glüm da chandailas. La vista da la terrassa es incumparabla. Chamuotschs, chavriöls, tschiervis, vuolps, leivras, pulom grond e pitschen as badaintan tuot tenor stagiun sül vamporta.

Il lö perfet per invlidar il temp.

Far festa ed organisar seminaris

Vus cumplivat ils ons, vaivat da celebrar ün battaisem, vaivat dit da schi – o Vus laivat far festa be uschè, sainza chaschun concreta - nus As spordschain gugent il spazi e l’ambiaint per üna tal’occurrenza. Perche cha festas sun da celebrar – ed i nun es da spettar chi scroudan.
Per gruppas pitschnas da lavur da furmias diligiaintas ed eir per dietas vaina pront differents arrandschamaints da seminar e localitats adattas, quaint e coura. E cur chi d’es lavurà avuonda – statuir ün punct culminant cun ün bun mangiar squisit a la fin da l’ir a spass spiertalmaing.

Nus ans allegrain da Vos interess.

Unsere Partner